Oranjestad, Aruba - 23 di januari, 2015: Diadomingo awor riba Dia di Betico, e federacion di schermen, S.A.B.A lo ta organisado un competencia pa tur e clubnan di fencing na Aruba. Na Aruba tin tres club di schermen na Aruba cu ta Universal Fencing Club, Scherm Club Brazil y Don Bosco Knights. E luga unda e competencia lo tuma luga ta na Maria Christina School na San Nicolas. E evento ta programa pa cuminsa pa 10or di mainta.

E deporte di schermen den e ultimo añanan a bira uno masha popular sigur bou di nos hobennan,unda un cantidad grandi ta practica e deporte olimpico aki.

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.