fbpx

Oranjestad, Aruba - 17 di april, 2015: Recientemente e atleta elite di salto largo, Quincy Breell a sali pa un campo di entrenamento na Bradenton, Florida. Pa un periodo di tres siman largo, e atleta Breell lo atende un campo di entrenamento na IMG High Performance Academy, cual ta un academia renombra na Merca y dirigi pa e director y alabes un coach Olimpico Merican, Loren Seagrave.

 

E campo di entrenamento lo ta di 12 di april pa 2 di mei. Na banda di e campo di entrenamento e atleta Breell lo participa tambe na 2 competencia di salto largo na Florida. Mester bisa cu Quincy ta preparando su mes den bon forma pa e Weganan Panamericano na Toronto, Canada cu lo tuma luga den luna di juli proximo. Pa e motibo aki mes tambe, e atleta Arubano a opta pa sigui cu un campo di entrenamento den exterior pa asina hiba un preparacion mas debido combina cu dos competencia cual lo duna un poco mas experencia internacional.

 

Un danki sigur na Lotto, e Loteria di Aruba pa medio di Comision di Subsidio cu a subsidia e atleta di salto largo Quincy Breell den su preparacion na Merca.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is a Joomla Security extension!