fbpx

TITHAAshleyPoulinaOranjestad, Aruba - 29 di juni, 2015: Pa varios aña den luna di juni y juli nos dushi isla tin e honor di host un di e torneonan di deporte mas prestigioso cu ta e TITHA Tennis Tournament. Esaki lo ta e di 29 edicion cu e torneo di tennis TITHA lo ser organisa na Aruba y un bes mas e lo conta cu un participacion masal di tenistanan di exterior como tambe e participacion di nos propio tenistanan hubenil.

 

Torneo Internacional di Tennis Hubenil Aruba ta uno reconoci y supervisa door di e federacion mundial di tennis ITF y porcierto e unico torneo na Aruba unda e hungadonan di U-18 por acumula punto pa loke ta a ranking di ITF y U-14 pa e ranking di COTECC, cual ta e ranking oficial di America Central y Caribe. Tambe e ta un oportunidad unico pa e hungadonan hoben di U-10 y U-12 competi na dje, esaki pa nan desaroyo den e deporte aki.

 

E competencia internacional di tennis mas cu claro lo tuma luga riba e bunita canchanan di Aruba Raquet Club. Diasabra y diadomingo mainta lo a inicia cu e rondanan cualificatorio, mientras riba awe, dialuna, lo cuminsa cu e main event. Lo spera un cantidad grandi di tenistanan hoben for di tur parti mundo manera Trinidad & Tobago, Venezuela, Colombia, Surinam, Brasil, Polako, China, Japon, Australia, Merca, Russia, Bahamas, Barbados y Aruba. Pa nos atletanan e torneo TITHA lo ta un extra motivacion pa competi mirando e elenco grandi di exterior cu nan lo topa cune.

 

Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo internacional di tennis TITHA na Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Our website is protected by DMC Firewall!