fbpx

JudoJuli1Oranjestad, Aruba - 23 di juli, 2015: Recientemente un delegacion Arubano den e deporte di judo a biaha pa Fort Lauderdale, Merca, unda nan a participa na e di 27 edicion di e US Open Junior 2015. Durante di e torneo aki nos atletanan di judo a enfrenta varios otro scolnan na Merca y tambe di otro paisnan cu a bin specialmente pa e campeonato menciona. Aruba a competi cu un grupo grandi di atleta, pero tambe esunnan cu a ricibi subsidio kendenan tabata Theron Farro, Brandon Wong, Jean Luc Harms, Yuri Koffie, Isaac Croes y Emmazira Kelly.

 

Mester bisa cu nos atletanan di judo a conoce un actuacion formidabel durante di e di 27 edicion di e US Junior Open na Fort Lauderdale, unda a logra un total di alrededor di 10 medaya. E hoben talentoso Isaac Croes a gana un medaya di plata y un medaya di brons esaki den golden score. E hobencita Emmazira Kelly a gana un medaya di brons. E hoben prospecto Yuri Koffie tambe a logra un medaya di brons mientras e atleta Jean Luc Harms no a keda atras unda e tambe a logra bini cas bek cu un medaya di brons.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos atletanan di judo pa US Open na Fort Lauderdale, Merca.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

JudoJuli2JudoJuli3

Our website is protected by DMC Firewall!