fbpx

TennisJulOranjestad, Aruba - 28 di juli, 2015: Durante vakantie di scol, un delegacion di tennis masculino lo biaha pa e pais di Santo Domingo unda nan lo participa na e JITIC 2015, un torneo basa riba prestacion. E torneo aki lo ta di 23 di juli pa 7 di augustus. Contrario na e aña nan anterior, e biaha aki ALTB a opta pa participa cu solamente un ekipo masculino.

 

E scoge pa e ekipo masculino mirando nan prestacion sublime durante di e Junior Davis Cup unda nan a logra e prome luga como tambe nan participacion na e Junior Tennis Competition cu e keda corona cu un di dos puesto. Ta bon pa bisa cu e JITIC ta dividi den dos categoria esta U – 14 y U-16.

 

E hungadonan cu lo competi den e categoria U-16 ta Kevin Yarzagaray y Frederick Sydow,mientras den e categoria U-14 nos ta haya Alexson Hessels y Frederick Sydow. Como coach lo biaha Sr. Henk Bouwman. Pa varios dia nos tenistanan lo atende programa nan tecnico y tactico di tennis, esaki sigur lo yuda na e desaroyo y nivel di cada uno, mientras tin weganan cu lo wordo hunga.

 

Un danki sigur na Lotto, e Loteria di Aruba pa medio di Comision di Subsidio cu lo subsidia e biahe di e delegacion masculino di tennis pa e JITIC 2015 na Republica Dominicana.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Our website is protected by DMC Firewall!