ORANJESTAD, Aruba - 31 di augustus, 2015: Despues di a competi luna pasa na e Curacao Chess Festival 2015, unda cu nos atletanan den e deporte di ajedrez a haci un tremendo presentacion logrando varios titulo, e biaha aki e Federacion di Ajedrez di Aruba a prepara pa un otro competencia fuerte y mas grandi cu ta e Central America and Caribbean (CAC) Youth Chess Festival 2015, na e pais di Trinidad & Tobago.

Durante un siman, pa ser exacto 13 pa 20 di augustus, e miho atletanan di ajedrez den nos region a topa otro cara cara pa asina bataya pa e titulo maximo den Centro America y Caribe. E participacion tawata masal caminda nos isla di Aruba lo wordo representa pa e atletanan Mark Bueno kende a competi den e U-18 Open Group, Maria Paula de Mey cu lo competi den U-18 Female Group, Kyell-Jean Antonio a competi den e U-12 Open Group y Ethan Croeze den e U-12 Open Group. Como coach a biaha Jean Pierre Lesire mientras cu e hefe di delegacion ta Raymundo Dijkhoff. Ta bon pa bisa acerca cu Jean Pierre Lesire a sigui e seminario di Fide Arbiter tambe.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos delegacion di ajedrez pa e Central America and Caribbean (CAC) Youth Chess Festival 2015.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.