ORANJESTAD, Aruba - 2 di september, 2015: E campeonato di tennis di mesa pa ekipo ta cana den bon forma. Tur siman e diferente weganan ta wordo hunga riba diamars den Centro Deportivo Betico Croes na Sta Cruz. Tanto den A-klas y B-klas y ekiponan ta lucha duro pa mantene nan mes den e posicion mas faborabel.

Par di siman atras nos a haya e weganan den A klas unda e ekipo di Butterfly a gana Mario Sport Shop 4 – 1, Kawin Home Center a gana Dragon CD 4 – 1. Den B-klas nos ta haya Blue Fire a gana APA Master 4 – 1, mientras Blue Dragon ta gana Bob Master 3 – 2. Resultadonan di diamars 25 di augustus, nos ta haya den A klas Dragon CD a gana Mario’s Sportshop 4 – 1 y Butterfly a gana Kawin Home Center 4 – 1.

Pa loke ta e tabla di posicion nos ta haya den A-klas e ekipo di Butterfly na di prome luga cu 18 punto, na di dos luga nos ta haya Kawin Home Center cu 14 punto, na di tres luga Mario Sport Shop cu 11 punto y na di cuater luga Hooters cu 10 punto y na di cinco luga Dragon CD cu 8 punto. B-klas e ekipo di Jon Tai na di prome luga cu 26 punto, na di dos luga nos ta haya Universal Spin cu 23 punto, na di tres luga Blue Fire cu 23 punto y na di cuater luga APA Master cu 16 punto.

Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di tennis di mesa.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.