ORANJESTAD, Aruba - 20 di juli, 2016: E weekend pasa nos hermana isla di Corsou tawata anfitrion di un competencia internacional masha conoci y exitoso den e deporte di atletismo. E di 24 edicion di e Trupial Auto City Classic ta un hecho unda nos delegacion di Aruba tambe a forma parti di esaki. E evento tawata un combinacion di competencia y alabes un campo di entrenamento. E atletanan cu a wordo selecta pa e federacion di atletismo Arubano ta participa na e campo di entrenamento lo ta Justice Dreischor, Lixandra Geerman, Zyon Geerman, Daymiron Cornes y Dhyronne Reed.

E campo di entrenamento a cuminsa paar dia anterior mientras e competencia tawata diabierna y diasabra. Por a competi den e Age Group U7 te cu Masters. Paisnan cu tambe a participa tawata Puerto Rico, St.Maarten,Trinidad and Tobago,Surman, Anguilla, Jamaica, Boneiro, Barbados, Colombia, Dominica y Corsou mes.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di atletismo pa e campo di entrenamento y competencia na e TRUPIAL Classic 2016.

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.