fbpx

JUL2016 Little LeagueORANJESTAD, Aruba – 25 di juli, 2016: Tur aña den e temporada di juli, Aruba Little League ta manda su cuater ekiponan cu lo representa Aruba den e diferente campeonatonan di baseball Little League den Latino Americano y Caribe. Na Aruba mes, e liganan di North, Center y South League ta bataya contra di otro pa mira kende lo representa Aruba, aunke den e categorianan di junior y senior e liganan ta combina,mientras den Little esaki ta entre e tres liganan.

 

Ora na yega pa hunga e weganan di Interliga esaki sigur no ta bay sin su emocionnan, cu hopi publico unda e miho basebolistanan infantil y hubenil di Aruba ta bataya fuertemente contra otro pa saca e campeon cu a lo largo lo defende nos bandera den exterior.

 

E representacion di Little League pa Aruba e aña aki a bay pa Center League kende lo mester bataya contra e miho paisnan den Caribe pa asina purba gana e titulo maximo pa por representa Aruba den e walhala di baseball infantil cu ta Williamssport. E competencia aki lo inicia dia 9 di juli na US Virgin Island.

 

Un danki sigur na Lotto, e Loteria di Aruba pa medio di Comision di Subsidio cu a subsidia e e seleccion di Aruba Center Little League cu lo representa Aruba den exterior.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is developed by Dean Marshall Consultancy Ltd