fbpx

BaseballCoaches NOV2015ORANJESTAD, Aruba - 30 di november, 2015: Recientemente un grupo di 18 umpirenan di baseball na Aruba a sigui un curso yama “How to Umpire”. E curso cu tabata dos dia largo a wordo facilita pa e umpirenan experto procedente di Puerto Rico, sr. Manuel Gonzales y Jose Chaparro, mientras e “refreshment” di e reglanan di baseball a wordo facilita door di District Administrator di Little League Latino America, sr. Carlos Pagan.

 

Aruba Little League a mira e necesidad pa recluta mas umpire pa yuda engrandece nos baseball specialmente pa nos muchanan. Pa e motibo aki tambe a tuma e iniciativa pa organisa un curso cu expertonan di exterior. Mester bisa cu e curso tabata uno intensivo y tabata consisti di un parti di teoretico y practico. Diasabra ultimo durante di un anochi ameno na Centro di Bario Noord, e directiva di Aruba Little League y den presencia di e District Administrator di Little League Latino America, Sr. Carlos Pagan di Puerto Rico a haci entrega di e certificadonan di participacion na e demas umpirenan di baseball cu a sigui e curso aki.

 

Esunnan cu a haya nan certificado di participacion tabata: Rudy Pers, Francis Maduro, Aubrey Maduro, Giovanni Meulens, Renato Nicolaas, Rafael Hodge, Patricio Jacobs, Alvaro Barrios, Sergio Laurant, Edward Cheung, Rigoberto Grovell, Benito v/ Biezen, Gregory Milano, Samuel Frank, Maikel Davelaar, Hendrik Leander, Ray Sprott, Bareño.

 

Un danki sigur na Lotto, e Loteria di Aruba pa medio di Comision di Subsidio cu a yuda subsidia e curso di umpire den baseball organisa pa Aruba Little League.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is a Joomla Security extension!