fbpx

Karate Bond Sinterklaas 2015 4ORANJESTAD, Aruba – 9 di december, 2015: Un deporte cu sigur a crece den 2015 pa loke ta e cantidad di atleta ta esun di karate. Un deporte cu ta den pleno desaroyo pero avansando rapidamente y cu nivel competitivo internacional. Ya pa algun aña e deporte di karate ta bin ta creciendo den forma rapido y cu varios scolnan nobo. Aruba Karate Bond ta trahando duro na bienestar di su atletanan y ta haci nan maximo esfuerso pa hiba nan atletanan algun competencia di fogeo den exterior.

 

Algun siman atras a biaha pa dos competencia internacional renombra cu tabata e “Copa Internacional Dojo Moncada” na Valencia, Venezuela y e Curaçao Karate Open 2015 na Corsou. Den ambos competencia bishita nos atletanan a sa na haci un tremendo papel y a laga sigur un bon impresion atras cerca e demas competidonan y paisnan participante. Poco poco pero sigur e karate na Aruba ta creciendo y esaki sigur ta danki na e federacion, e scolnan y tur cu ta traha duro dia aden dia afo pa mehora e nivel di nos atletanan. Diasabra ultimo 5 di december, Dia di Sinterklaas, e federacion di karate a clausura e temporada 2015 cu un tremendo competencia pa tur su scolnan miembro. Mester bisa cu e scolnan di karate cu a participa tabata entre otro Dojo Budokan, Dojo Shibumi, Dojo Shoshinkai y sin lubida e otro scolnan. E competencia tabata reina pa un bon ambiente festivo cu presencia di Sint y su Pietnan cu a parti e medayanan pa e demas atletanan d Karate. E competencia mes a tuma luga den Centro Deportivo Frans Figaroa na Noord.

 

Un danki sigur na Lotto, e Loteria di Aruba pa medio di Comision di Subsidio cu a subsidia e ultimo competencia di karate den e aña deportivo 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

Karate Bond Sinterklaas 2015 1Karate Bond Sinterklaas 2015 2Karate Bond Sinterklaas 2015 3Karate Bond Sinterklaas 2015 5Karate Bond Sinterklaas 2015 6Karate Bond Sinterklaas 2015 7Karate Bond Sinterklaas 2015 8Karate Bond Sinterklaas 2015 9

Our website is protected by DMC Firewall!