fbpx

Tang Soo Do JAN2016ORANJESTAD, Aruba - 27 di januari, 2016: E prome torneo di aña 2016 organisa pa e federacion di Aruba Tang Soo Do lo ta diabierna awo 29 di januari cuminsando pa 6or di atardi na Emmaschool na Ayo. E competencia Gihae Tang Soo Do Challenge lo bay ta pa tur alumno di e scolnan di Gihae Tang Soo Do Studio I, II & III. E competencia lo bay ta Open Hand Forms & Weapon Forms, mientras lo tin un invitado special den persona di Master y Regional Director Master Wilfredo Burgos. Mirando cu ta e temporada di carnaval lo tin un jump in despues cu e competencia termina.

 

E federacion di Aruba Tang Soo Do ta conoci pa ta hopi activo na Aruba cu e diferente actvidadnan organisa pa nan atletanan tanto na nivel local como tambe internacional. Aruba sigur ya ta bon conoci den e area aki mundialmente, mientras nos tin algun atleta ya a sobresali den e diferente torneonan internacional cu nan a competi na dje. E cantidad di atleta cada bes ta crece, esaki ta muestra cu e deporte ta birando dia pa dia mas popular den nos comunidad.

 

Un danki sigur na Lotto, e Loteria di Aruba pa medio di Comision di Subsidio cu a subsidia e Gihae Tang Soo Do Challenge organisa pa Aruba Tang Soo Do Federation.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Our website is protected by DMC Firewall!