ORANJESTAD, Aruba - 1 di september, 2016: Durante diez dia largo Aruba a host e torneo internacional den e deporte di badminton, cu a conta cu participacion di atletanan for di Puerto Rico, Trinidad & Tobago, Jamaica, Surnam, Republica Dominicana, Corsou, Wales, Guyana y Barbados. E torneo tabata consisti di cuater evento cu tabata e U19 Junior International, Senior International, e Junior U11. U13, U15, U17 & U19 & Team Carebaco y e Senior Team Carebaco.

E torneo tabata bou auspicio di Carebaco cu ta e Caribbean Badminton Confederation. Tur e weganan a wordo hunga den Centro Deportivo Betico Croes. Mester bisa cu e acohida tabata grandi unda un total di 120 hungado a participa den e diferente clasificacion. Notable ta cu a usa un Head Referee, Dionne Hanes, di Badminton World Federation cu tabata encarga cu e supervision. E Tournament Director pa Aruba tabata den man di Terence Sybesma, cu porcierto a haci un tremendo trabou pa tur cos bay na e forma desea. Paisnan cu a sobresali y triunfa cu un prome lugar durante di e torneo internacional di badminton tabata Republica Dominicana, Barbados, Wales y Surnam.

Un danki sigur na Lotto, e Loteria di Aruba pa medio di Comision di Subsidio tambe a yuda subsidia e torneo internacional di badminton na Aruba.

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.