fbpx

OCT2016 SchermenORANJESTAD, Aruba - 7 di oktober, 2016: E dianan 10 pa 13 di October proximo lo tuma lugar na Corsow e Dutch Caribbean Fencing Championship 2016, cu lo conta cu participacion di Corsow y Aruba. E compleho deportivo na Brievengat lo fungi como e cas pa e competencia internacional di esgrima. Scherm Amateur Bond Aruba tambe lo forma parti cu un delegacion di grandi atleta den e magno evento aki. Nos atletanan lo competi den e tur tres di e asina yama “wapen” esta floret degen y sabel.

 

E atletanan cu lo competi pa Aruba ta Tirslain Jansen, Migdalien Jansen, Amy Clark, Eugenie Clark, Sean Maria, Miguel Ruiz , Ezzedean Vrolijk, Isabelle Thijsen, Sheillia Thompson, Nykaina Thompson, Kevin Hernandez y Yeshua Tjie a Loy.

 

Mester bisa cu den e ultimo anjanan e deporte di esgrima ta hopi activo cu nan calendario di actividad. Sigur un seis bes pa anja nan tin competencia riba nan calendario mientras nan ta bishita competencianan internacional den nos region y continente. E deporte di esgrima tin algun hoben prometedor cu lo por yega hopi leu den e deporte di spada aki.

 

Un danki sigur na Lotto, e Loteria di Aruba pa medio di Comision di Subsidio cu a duna nan contribucion pa cu e participacion di e delegacion di esgrima den e competencia internacional Dutch Caribbean Fencing Championship 2016 na Corsow.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Our website is protected by DMC Firewall!