fbpx
 
Ta algun siman caba cu e premio di Lotto 5 ta kedando aden y consecuentemente ta sigui subi. Diaranson ultimo e premio a bolbe keda aden, pues pa diasabra awor e la bolbe subi alcansando e bunita suma di Afl. 725.000,00. Cada Lotto 5 ta costa solamente 4 florin, bo por cumpra bo numbernan fiho of un lotto 5 loco. 
 
 
Lotto, e loteria di Aruba, ta partiendo hopi premio entre su hungadonan. E wega di Lotto 5, semper ta uno masha gusta y cumpra cerca e hungadonan, cu ta purba nan suerte pa tambe bira un feliz ganado. E ta e prome loteria di Lotto, cu a inicia na aña 1983. E record den jackpot di Lotto 5 a bini na aña 2008, ora cu e premio a alcansa e suma di 1.6 miyon florin! 
 
 
Den cuadro di e campaña promocional, e departamento di mercadeo di Lotto, a bishita varios radio emisora pa corda oyentenan pa cumpra nan Lotto 5. Di e forma aki ta buscando pa cambia bida di un hungado cu suerte. Damaris Riddestap di Lotto tambe a tuma e oportunidad na e radio emisoranan pa rifa algun lotto loco na e fiel oyentenan di Radio Bo Guia, Power Fm., Caliente Fm. Y Latina Fm. Algun di e ganadornan a keda dne persona di Daphney Martijn, Chemmy Quandus, Margo Gamara, Rufo Loopstok, Joanna Rosaria, Abrue Melchior, Uselly Lopez, Alfredo Morillo, Jose de la Cruz, Isabel Lopez y Lady Machete.
Lotto ta conseha tur hende pa busca nan ticket ganado trempan, sea ta bo numbernan fiho of Lotto 5 Loco y asina bo por sinta diasabra anochi dilanti television pa sintonisa e sorteo na Telearuba, Canal 13 , ansioso pa sa si abo ta e feliz ganado.
 
 
Lotto, e loteria di Aruba cu 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y awor Tic Tac Toe, e wega mas divertido pa hunga cu bo amigonan y bo famia. Corda un y tur pa sigui purba nan suerte cu cualkier di e 8 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 
 
 
Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local. 
 
{gallery}joomgallery/originals/lotto_5_radio_tour_17{/gallery}
Our website is protected by DMC Firewall!