Mini Mega su jackpot a surpasa MEY MIYON florin

ORANJESTAD, Aruba – 30 di november 2012: Lotto a anuncia diaranson mainta tempran cu e jackpot di e wega popular Mini Mega a surpasa mey miyon florin. Pa e siguiente sorteo, cu ta tuma luga diabierna awo dia 30 di november, e jackpot ta 510 mil florin! Como ganado, sigur e suma aki ta un tremendo "bonus" pa caba 2012 cun'e. 
 
Cumpra bo Mini Mega awe mes pa solamente Afl. 5 pa ticket, asina abo tambe ta den wega pa por gana e premio grandi aki. Corda pasa cumpra dibo trempan, pasobra e rijnan lo ta largo cerca rebendedonan diabierna atardi. 
 
Si nunca bo a cumpra un Mini Mega, bo mester sa cu e ta masha facil pa hunga: Mini Mega ta consisti di 4 cifra, plus e Mega Ball of bo ta pidi un "Mini Mega loco" cerca e rebendedo preferi. Hopi ta e hungadonan cu a cumpra nan numbernan faborito of nan ticket "loco" y a gana premionan grandi cu Mini Mega. E diabierna aki, abo por ta e siguiente ganado!