El a conta cu hunto cu su coleganan na Setar tambe a cumpra Mini Mega den grupo. Raquel no a conforma cu e numbernan ey y un rato despues el a pasa cumpra dos Mini Mega "loco" pa asina e ta den wega cu mas oportunidadnan pa gana.
Anochi su colega a mande e numbernan ganado y ora el a controla e numbernan el a haya e gran sorpresa cu el a gana Afl. 1.3 miyon florin!
El a laga sa cu no ta numbernan vast cu e ta cumpra, pero el a haya e gran suerte di cumpra numbernan ‘loco’ y gana.
Esaki sigur ta un famia hopi afortuna ya cu su ruman tambe a gana Lotto na April 2012, e suma di 360 mil florin, cual ticket ganado tambe el a cumpra na Kas Ariba Lottery.
“Mi ta contento cu mas Arubiano ta ganando e premionan. Esey ta hopi importante. Mi conseho pa Lotto ta pa sigui bende e Mini Meganan grandi”, el a bisa.
Raquel Werleman ainda no sa precies con el lo inverti e placa cu el a gana. El a agrega cu su famia y su coleganan ta hopi contento cu el a gana e premio miyonario aki di Mini Mega!
Lotto, e loteria di Aruba ta invita publico general pa bishita su pagina di Facebook pa tur informacion encuanto weganan, e numbernan ganado y premionan di Lotto. Tambe no lubida di sintonisa sorteonan di Lotto tur merdia y di dialuna pa diasabra anochi pa 9'or na TeleAruba, Canal 13.
Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, y te cu dia 31 di December e wega mas dibertido, Tic-Tac-Toe ta corda un y tur pa sigui purba nan suerte cu cualkier di 8 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla.
