E jackpot di Mini Mega y Mega Plus a yega 2 miyon florin na januari di 2014 y e ultimo biaha prome cu esey cu un jackpot di Mini Mega a surpasa 2.4 miyon florin, tabata na januari 2010. Lotto ta contento di por ofrece e premio aki na nos pueblo awe nochi, cu ta contribui pa medio di nan compra di Lotto na deporte di Aruba y cu esaki tambe na e desaroyo y bienestar di nos hobennan.

Lotto ta premira un dia sumamente druka awe. Como tal, E Loteria di Aruba y tur su rebendedonan ta invita bo pa cumpra nan numbernan di Mini Mega y Mega Plus trempan caba pa asina evita para den rijnan largo den oranan di mas atardi. No keda for di e sorteo mas grandi aki na Aruba. Bishita bo rebendedo trempan. Oficina di Lotto na Oranjestad y San Nicolaas ta habri tambe di trempan. Nos ta warda bo y ta desea bo tur suerte cu tin awe nochi.