E ganado cu a pasa prome na oficina di Lotto pa su check tabata Vicente T., kende semper ta cumpra su numbernan vast y e biaha aki a cumpra dos ticket na JR Lottery. Despues Lotto a entrega e di dos check na e otro ganado, esta Evan L., kende a tarda un poco pa busca su check pasobra e no tabata na Aruba na momento cu su numbernan a hunga. Evan a cumpra su ticket na Chebby's Lottery.

Ta un placer pa Lotto yuda Vicente y Evan haci nan soñonan realidad. Masha pabien!

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.