Tira bo liña na awa tempran pasobra rebendedonan ya ta prepara pa un dia druk awe, dia 7 di maart, mirando cu Lotto, E Loteria di Aruba, tin un jackpot di 1.1 MIYON florin cla pa entrega na e feliz ganado di Lotto 5.

Despues cu e sorteo di diaranson no tabatin ganado pa e jackpot di 1 miyon florin, esaki a crece cu 100 mil florin mas. Lotto kier corda tur hungado cu aunke ningun cliente a cumpra e combinacion ganado, esta “04-07-08-24-31, Joker 10”, tin ganado SI di e di dos, di tres y di cuater premio. Check bo ticket bon!

Cumpra bo “Lotto 5 Loco” of duna e rebendedo bo cinco numbernan (scoge for di 35 number: cuminsando for di 01 te cu, y incluyendo 35) y e lo print bo ticket pa bo. Cumpra uno of cumpra mas, cada combinacion di number ta costa solamente Afl. 4.

Lotto, E Loteria di Aruba ta cambia bida di su ganadonan y contribui na deporte y deportistanan di Aruba. Bishita bo rebendedo faborito awe mes pa bo chens pa bira Lotto su prome miyonario pa aña 2015.