Herledys B. a tuma nota di e anuncio cu e jackpot a wordo gana na Ponton, pero a wordo bisa cu ta mas lew di unda e la cumpra su ticketnan nan a gane. Herledys no a worry mas y a laga su ticketnan riba mesa. Si no tabata pa mama di su casa kende a dicidi di controla e ticketnan toch for di corant diahuebs anochi, probablemente e ticket ganado lo a wordo controla te hopi despues, of kisas e no lo a wordo controla mes.

E mama mesora a lanta Herledys for di soño y hunto nan a yama su casa pa bis’e “wanta duro pasobra bo no ta bay kere...” Diabierna mainta e famia feliz a presenta na oficina di Lotto na Paardenbaaistraat 10 y e team di Lotto tabata hopi contento di por ta parti di e momento di celebracion ora Aruba a conoce su di dos miyonario di Lotto, E Loteria di Aruba pa 2015.

E prome soño cu Herledys y su casa ta bay realisa ta di bay cu un bon vakantie y pa den tur trankilidad pensa kico nan ta bay haci cu nan premio. Riba nan lista di deseo tin compra di nan cas, yuda nan mayornan y yuda nan yiu. Bunita plannan sigur!

Ta corda tur cliente di Lotto pa semper controla nan ticketnan bon, pasobra ora menos bo ta spera ABO por ta e siguiente ganado di un bunita premio di Lotto.

Lotto, e loteria di Aruba tin 8 diferente wega, Catochi, Big 4, Zodiac, Wega di Number di Korsou di Lotto, Lotto Di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.