Lotto ta anuncia cu e sorteo di Mini Mega y Mega Plus di diabierna a wordo hala pa un dia prome, o sea e sorteo ta tuma luga awe diahuebs, dia 30 di april, hunto cu tur e otro sorteonan di diahuebs, esta Catochi, Big 4, Zodiac y Lotto di Dia.

E jackpot di Mini Mega pa diahuebs ta 270 mil florin, cual por wordo gana cu un inversion di apenas 5 florin. Añadi solamente 2 florin mas riba su ticket y gana 100 mil florin extra, pa un total di 370 mil florin, cu Mega Plus. Diasabra tur sorteo ta sigui segun e schedule normal.

Oficina di Lotto na Oranjestad y San Nicolaas tambe lo ta cera riba diabierna, 1 di mei.

Lotto ta desea comunidad di Aruba un dushi Dia di Labor.

Lotto, e loteria di Aruba tin 8 diferente wega, Catochi, Big 4, Zodiac, Wega di number di Korsou di Lotto, Lotto di dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.