Vincent K. a indica cu e tin varios soño, cu sigur awo lo bira realidad, manera un cas y sigura futuro di su yui muher chikito, como tambe un tremendo vakantie cu su famia. Y tur e soñonan aki ta bay bira posibel danki na Lotto, cu ta cambia bida di su hungadonan y ta contribui cu deporte na Aruba.

Diabierna 29 di mei, 2015 tambe e jackpot di Mini Mega cu su Mega Plus a wordo gana, e suma ta 350 mil florin, y nos ta wardando e ganado di e premio aki pasa pa colecta su check tambe, na oficina principal di Lotto na Paardenbaaistraat 10. Majan anochi tin e sorteo di Mini Mega pa 9or di anochi y tin 260 mil florin den pot. Si bo kier gana 100 mil florin extra bo ta pidi pa e Mega Plus y bo ta den wega pa gana e total di 360 mil florin majan anochi.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.