Y netamente e numbernan di su sonjo ta esunnan cu a sali den sorteo di Lotto su wega di Big 4, diahuebs siman pasa. Xiomara a pasa oficina di Lotto na Oranjestad cu su Sra. Mama y un grupo grandi di mucha, cual tur ta su famia, y ta riba vakantie na Aruba. E la laga sa cu e lo uza e premio pa haci nan vakantie sigur uno inolvidabel.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.