Esposo di Marianne ta un fiel hungado di wega di Catochi y diadomingo durante sorteo di Merdia, 19 di juli, e la cumpra e numbernan cu 5309 cu Pick 4 y 309 cu Last 3 na Indio Stewart Lottery Sta. Helena. El a resulta e feliz ganado di 13.200 florin y ya dialuna caba a pasa na oficina di Lotto pa busca e check.

Lotto, e loteria di Aruba tin ocho diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.