Pa prome biaha cu Lotto tin un wega di “Raspa” cu dos premio di 100 mil florin cada uno den e wega Gold Rush y un record total na premio cash di 1.260.000 florin.

Pa introduci Gold Rush, for di dia 2 di october pa dia 20 di november, 2015, cada 2 ticket no-ganado ta haya un di dos chens cu e campaña special cu un rifa di tres premio fabuloso: E vakantie di bo soño na balor di 10 mil florin (prome premio), 4 ticket ida-y-buelta cu Insel Air pa Puerto Rico (di dos premio) y 500 florin cash (di tres premio). Semper bo a soña cu un vakantie na Paris? Na New York? Of bo kier hiba bo nietonan Disney World? Bo kier bay casa na Las Vegas? Of bo kier bay un concierto na Miami? Esaki awo ta posibel cu e campaña di Gold Rush.

Pa participa ta hopi facil: Simplemente pega dos (2) ticket no-ganado di Gold Rush na otro, skirbi nomber/fam, adres y number di telefon tras di tur dos ticket y deposita nan den e caha special cerca cualkier rebendedo of na oficina di Lotto na Oranjestad of San Nicolas. Dialuna dia 30 di november, durante di e sorteo live di Lotto na Telearuba pa 2:30PM lo saca e nombernan di e ganadonan.

Gold Rush ta obtenibel na bo rebendedo faborito di Lotto, pidi p’e…y ken sa, kisas abo lo ta Lotto su siguiente BIG WINNER di wega di Raspa Y Gana.

Lotto, e loteria di Aruba tin 8 diferente wega, Catochi, Big 4, Zodiac, Wega di Number Korsou di Lotto, Lotto Di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.