Oranjestad, Aruba – 25 di mei, 2015: Recientemente Arubox bou guia di nan presidente Marco Dupersoy a organisa un curso di boxeo pa nos referee y huesnan cu ta interesa pa contribui na e deporte di boxeo. Mester bisa cu e curso tabata uno hopi intensivo y interesante unda varios cursista a pasa esaki cu exito. E curso tabata uno basico y a ser duna pa e propio Marco Dupersoy tur esaki mirando e desaroyo positivo cu e deporte di boxeo ta pasando aden e ultimo añanan.

Mester bisa cu esaki no ta tur paso den e fin di siman binidero lo tin un invitado special for di Merca kende lo bin duna un otro curso di boxeo na nos referee y huesnan. Cu e ayudo aki, e nivel di boxeo di Aruba lo subi garantisa, unda nos atletanan y coachnan tambe lo wordo beneficia di dje.

Un danki sigur na Lotto, e Loteria di Aruba pa medio di Comision di Subsidio cu a subsidia e curso pa nos Referee y huesnan di boxeo.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.