E numbernan ganado tabata 04-08-12-30, Mega Ball 15.

Sotero su señora a cumpra su Mini Mega combina cu Mega Plus ganado na Ripiti y Gana Lottery na Savaneta. Sinembargo esaki no tabata e unico combinacion di number cu el a cumpra. E señora a dicidi di pasa na diferente rebendedo y a cumpra diferente ticket "Loco", pues el a laga e sistema scoge e numbernan p'e. E mainta despues di e sorteo grandi, el a bay check su ticketnan y di biaha y a yama su casa, lant'e for di soño cu e noticia fabuloso cu nan a gana. E pareha feliz ta conta cu Lotto no ta cambia nan bida so, pero di nan mayornan tambe, como cu e prome cos cu nan ta bay haci ta busca nan salud y salud y salud di nan mayornan.

E otro pareha ganado di e Mini Mega y Mega Plus grandi ta Cislaine y su prometido. Nan a dicidi pa cumpra Afl. 100 na tickets di Mega Plus na Lucky Star Lottery situa na Santa Cruz. Tabata prome biaha cu Cislaine a cumpra ticket di e forma aki hunto cu su prometido y nan a scoge pa mayoria di e ticketnan di Mega Plus loco. E mes no tabata sa mucho bon ki numbernan pa scoge y como e ultimo combinacion di number el a tuma e fechanan di nacemento di dje cu su pareha hunto cu e numbernan mas grandi cu por kies, esta 30 y pa e Mega Ball e number di mas grandi, esta "15". Nunca e por a pensa cu esaki lo bira nan ticket ganado y cu awe hunto nan ta gozando di un bunita premio di 700 mil florin.

Masha pabien na e dos parehanan ganado di Mini Mega, combina cu Mega Plus. Disfruta hopi di boso premio!