E Lotto Clasico, Lotto pa Deporte, Lotto Grandi e wega cu a lansa un loteria pa fondonan pa deporte pa nos pais, unda tur cos a cuminsa cu un papel cu bo tabata yena na man…PORFIN ta bay conoce su prome multimiyonario. Cu e sorteo di awe, despues cu diasabra 4/4/2015 ningun hungado a logra e combinacion di cifra di sorteo number 1576, Lotto 5 tin Afl. 2.000.000 den pot pa e ganado.

Percura pa bo liña ta na awa pa awe, dia 8 di april! Cumpra bo Lotto 5 tempran pa evita para den rijnan largo. Bo por cumpra bo ticket for di awo mes paso ya caba tin rebendedonan cu ta habri for di trempan. Y claro por bishita nos oficina principal den Oranjestad y na San Nicolas cu tambe ta brinda e servicio pa bende bo ticket di suerte, desde mainta trempan te cu 4.30:PM.

E combinacion cu a sali den e sorteo di diasabra tabata: 07-16-19-21-30, Joker 20 y Free Letter K. Lotto ta urgi clientenan pa check nan ticketnan bon paso Lotto 5 tin otro premionan tambe. Clientenan cu no ta sigur si nan a gana un premio of cuanto e premio por ta, por check esaki cerca cualkier rebendedo of na oficinanan di Lotto; tur terminal di Lotto ta saca un zonido alegre ora bo ticket ta uno ganado.

Lotto 5 ta facil pa hunga: pidi e rebendedo un Lotto 5 Loco OF scoge cinco number for di “01” te cu, y incluyendo, “35”. Cada combinacion di number ta costa solamente 4 florin! Tur terminal di Lotto ta cera pa 8:45 di anochi. E sorteo ta tuma luga cuminsando pa 9’or di anochi en bibo na TeleAruba.