Glenn V. a pasa oficina principal di Lotto na Paardenbaaistraat 10, diamars 28 di april, y cobra e check. E numbernan 2002 ta su numbernan vast y e la laga sa cu e ta hopi contento cu e la gana. Lotto sigur ta felicita e feliz ganado cu e premio bunita aki.

Lotto, e loteria di Aruba tin ocho diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y Raspa Y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.