News
- Details
ORANJESTAD, Aruba – 29 di augustus 2013: Lotto su weganan ta sigui causa furor y felicidad cerca su hungadonan y e biaha aki, e wega di Mini Mega, durante e sorteo di 16 di augustus tabatin un feliz ganado di e di dos premio. Sra. Maria V.V. ta un otro fiel hungado di Mini Mega, cu su numbernan fiho 02-08-11-25. Pa e sorteo aki, Maria a haci uzo di e promocion di Lotto su wega di Mini Mega, unda cu el a pone 2 florin mas, pa cumpra su Mega Plus ticket y casi a dal e premio grandi.
- Details
ORANJESTAD, Aruba - 21 di augustus 2013: No tin un satisfaccion y alegria mas grandi pa Lotto, ora cu nan haci nan hungadonan feliz y por contribui na cambio den nan bida pa uno cu tanto nan ta anhela of soña. Esey mes tabata e caso cu Dionisio, cu tambe ta cumpra su weganan di Lotto fielmente, specialmente e wega di Zodiac.
- Details
ORANJESTAD, Aruba - 21 di Augustus 2013: Lotto ta den un racha di parti premio, cambiando bida di hopi ganado, e dianan aki. Paga hipoteca, construi washok, construi cura, paga pa estudio, bay cu vakantie bon mereci, drecha dak...ganadonan di Lotto ta invertiendo nan premio den diferente meta cu nan a pone nan dilanti of deseo cu nan por tin.
- Details
ORANJESTAD, Aruba - 20 di augustus 2013: Hopi biaha bo ta tende storianan di personanan cu ta cumpra Lotto y ta cambia constantemente di number pa asina nan pone nan linja na awa. Pero esaki ta un storia di un hungador di Lotto cu a bira un feliz ganador di Mini Mega door di hunga durante 25 aña e mesun number.
- Details
ORANJESTAD, Aruba – 19 di augustus 2013: Porfin e dia a yega! Awe Lotto, e loteria di Aruba ta felicita 75 ganado mas di Raspa y Gana. Den presencia di un representante di gobierno, Lotto a saca 75 ticket for di un tombola grandi cual tabata yena cu ticketnan no-ganado di Raspa y Gana, cu a wordo colecta na tur rebendedo rond Aruba.
- Details
ORANJESTAD, Aruba – 16 di augustus 2013: Lotto, e loteria di Aruba, semper ta buscando e forma pa consenti su clientenan y alabes informa nan di diferente promocion y oferta unico pa nan bira un ganado sigur y feliz cu un di e nan weganan. Durante e oranan di mainta y atardi, Lotto y su team dinamico di promocion, a bishita varios stacion di radio, pa sigui informa tur hende tocante e tremendo adicion di e sorteo di Mini Mega, esta e Mega Plus.
- Details
ORANJESTAD, Aruba 14 Aug - Zodiac ta un di su weganan preferi y Kevin G. semper ta den wega. Cada tanto tempo e ta cambia su combinacion di number y recientemente a dicidi di pone 50 cen riba number 4323, combina cu signo Leo. Manera di custumber tur mainta e ta pasa check su numbernan na Tele Uno, cual tambe ta su rebendedo faborito.
- Details
ORANJESTAD, Aruba – 9 di augustus 2013: Diabierna siman pasa Mini Mega a conoce ganado di su di dos premio, den persona di Jean Marc, un hungado cu a cumpra su Lotto na B Through Lottery, cual recientemente a habri su portanan na Tarabana.
Semper Jean Marc ta tira su liña na awa y e biaha aki el a cumpra dos ticket di Mini Mega, uno cu su numbernan vast y uno loco. Cu e ultimo aki el a gana e di dos premio di Mini Mega, cual tabata e dia ey Afl. 16.614.
- Details
ORANJESTAD, Aruba – 7 di Aug 2013: No tin un wega di Lotto cu nan no ta hunga y nan ta corda tur dia pa pasa cumpra nan Lotto na un rebendedo pa ta sigur cu nan liña ta na awa. Sra. Gladys d.C. y su casa cumpra un combinacion di e fechanan di nacemento di nan cuater nietonan, cual ta 08-11-15-24 y a bira e felis ganadonan di 58 mil florin!
- Details
ORANJESTAD, Aruba - 6 Aug 2013: Pa prome biaha for di dia cu Lotto a reintroduci Raspa y Gana, Sr. Kelly a cumpra dos ticket di Raspa na Angochi Lottery. Cu un di e ticketnan el a gana Afl. 2 y mesora a cambi'e pa un di tres ticket. El a scoge e wega Diamonds 2X tur biaha.
El a warda te ora el a yega cas y su señora a raspa e di tres ticket. Pa nan gran sorpresa y alegria, e montante di placa indica riba e ticket a "match" un di e premio mayo nan di Diamonds 2X, cual ta 5 MIL florin!
- Details
ORANJESTAD, Aruba – 6 di Aug 2013: Lotto di Aruba ta contento di por anuncia cu Maria V., a gana e premio mayor di Mini Mega di dia 2 di augustus ultimo. Diabierna señora Maria a pasa cumpra su Mini Mega na Lucky Lotto Center pa ta sigur cu e ta den wega y satisfecho cu su liña ta na awa, el a sigui su dia manera planea. Algun ora despues, su bida a cambia!
