E yui homber di Sra. Juanita a bay pa algun siman afo y a pidi su mama pa, durante su ausencia, cumpra su numbernan ora cu por. Di e manera aki Juanita a gana cu e numbernan 06-13-23-29-30. Dialuna mes e la pasa cu su dos nietonan pa cobra e check di 61 mil florin. Juanita a laga sa cu e lo tin un debe pa paga y cu sigur su yui homber tambe lo haya un bunita regaldo, mirando cu ta su numbernan a sali ganado.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto Di Dia, Lotto 5, Mini Mega, y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.