Hungadonan di e weganan di Raspa y Gana, por pega dos ticket no-ganado di e mesun wega na otro, skirbi nan nomber, adres y telefon patras y deposit'e na bo rebendedo preferi of na e oficina di Lotto na San Nicolas of Oranjestad. Tuma bon nota cu e weganan participante ta Cars and Cash y Ten Times the Money. Dialuna dia 31 di augustus lo saca e ganadonan durante e sorteo LIVE na Tele Aruba pa 2:30pm.

Lo tin tres premio masha interesante mes, cu ta encera e celular ultimo modelo di Apple, esta un iPhone modelo 6 cu 16GB di memoria. E di dos premio ta un laptop marca Dell modelo Inspiron cu Touchscreen. Y na di tres luga como premio un iPad Mini. Tur ta premio cu sigur lo por haci bon uzo di dje den e aña escolar venidero.

Mas ticket bo cumpra, mas bo raspa, mas chens bo tin di gana. Tene na cuenta cu sea bo ta gana e premio di e wega di "Raspa y Gana" mes of bo tin un di dos chens cu e ticket no ganado pa participa pa gana un di e tres bunita premionan den e campaña aki di "Back to School" cu Raspa Y Gana.

Lotto, e loteria di Aruba tin 8 diferente wega, Catochi, Big 4, Zodiac, Wega di number di Korsou, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.