fbpx

Good Causes

CCCANJuneOranjestad, Aruba - 30 di juni, 2015: E dianan 27 di juni pa 1 di juli ta tumando luga e Central American and Caribbean Amateur Swimming Confederation na e isla Caribense di Barbados. E atletanan di landamento sincronisa di Aruba 12 Under ta cla pa saca cara na e campeonato aki. Den e ekipo aki tin algun atleta cu experencia internacional cu den pasado a competi pa Aruba den e campeonatonan di CARIFTA y CISC, pero e mayoria ta nobo den e area competitivo.

TITHAAshleyPoulinaOranjestad, Aruba - 29 di juni, 2015: Pa varios aña den luna di juni y juli nos dushi isla tin e honor di host un di e torneonan di deporte mas prestigioso cu ta e TITHA Tennis Tournament. Esaki lo ta e di 29 edicion cu e torneo di tennis TITHA lo ser organisa na Aruba y un bes mas e lo conta cu un participacion masal di tenistanan di exterior como tambe e participacion di nos propio tenistanan hubenil.

WielerOranjestad, Aruba - 25 di juni, 2015: Den e simannan binidero, e federacion di ciclismo, AWB lo organisa su campeonato nacional di ciclismo cu diferente careda den e disciplina nan di ciclismo di ruta, mountain bike y bike cross. Pa cu e eventonan aki diferente ruta lo ser uza mientras e acomodacion pa bike cross lo ta na Jaburibari.

 

FlyingArubiesOranjestad, Aruba - 26 di juni, 2015: E atletanan Nicole van der Velden y Thijs Visser den pleno preparacion pa loke ta nan clasificacion pa e Weganan Olimpico di Rio de Janeiro 2016. Despues di a competi den e Weganan Centro Americano y del Caribe na Veracruz, Mexico, e duo conoci tambe como e The Fyling Arubies a participa den varios competencia internacional unda esakinan a fungi como nan fogeo pa loke ta nan cualificacion Olimpico den e disciplina Nacra 17.

 

KamilahJuneOranjestad, Aruba - 23 di juni, 2015: Recientemente e bolichera Kamilah Dammers a biaha pa Orlando, Florida unda e lo permanece pa un algun dia na e Kegel Training Center. E ganado di medaya di Oro y Plata di e Weganan Centro Americano y del Caribe lo entrena durante cinco dia bou guia di algun expertonan cu ta traha den servicio di e Kegel Training Center.

PingOranjestad, Aruba - 26 di juni, 2015: E torneo di tennis di mesa Teams Copa Aruba ta bayendo den gran forma. Casi henter e luna di juni e Teams Copa Aruba ta wordo hunga den e categorianan di A y B klas. Mester bisa cu e weganan tur ta riba un super bon nivel, unda nos hobennan ta resalta den forma impresionante den nan weganan hunga.

 

JaymeMataJudokaOranjestad, Aruba - 22 di juni, 2015: E dianan 25 pa 28 di juni proximo lo bay tin e campeonato Open Continental Panamericano di judo cu lo ser teni na e ciudad di San Salvador, El Salvador. Aruba tambe lo tin participacion den e campeonato aki den representacion di e judoka elite, Jayme Mata.

 

  1. Seleccion di softbol masculino lo participa na e Campeonato Suramericano de Softbol Masculino na Bogota, Colombia
  2. Atletanan di judo a sali pa un campo di entrenamento na Republica Dominicana
  3. E di 29 edicion di e Aruba International Triathlon lo priminti di bira grandi
  4. Atleta Renze Postma lo atende un campo di entrenamento na Bogota, Colombia
DMC Firewall is developed by Dean Marshall Consultancy Ltd