ORANJESTAD, Aruba - 10 di september, 2015: Pa 29 aña largo, Jose Wever ta maneha e campeonato di futbol infantil na Aruba y alabes ta encarga cu e seleccion di Aruba U -13, cu pa hopi aña tin su propio torneo internacional di futbol esaki relaciona cu e celebracion di nos Himno y nos Bandera. Desde su existencia na aña na 1986, LIFIDA ta percura pa organisa e campeonato di futbol infantil cu ta conta cu un participacion riba mil mucha den tur edad.

Diasabra ultimo, LIFIDA un bes mas a tene su ceremonia di apertura di e campeonato 2015-2016 di LIFIDA/AVB esaki den Compleho Deportivo Guillermo Prospero Trinidad na Dakota. Manera tradicion tabata tin desfile di tur e clubnan miembro como tambe diferente discurso di nos dignatarionan deportivo, sigui pa un wega di e seleccion U-13 contra di e ekipo campeon Britannia.

Lotto, e loteria di Aruba ta apoya y sostene e campeonato di futbol infantil na Aruba, esaki ta un di nan metanan principal. Mester brinda oportunidad na tur mucha sin excepcion pa practica deporte. Den luna di maart, e compleho di futbol na Yara a haya e nomber oficial di e legendario dirigente di futbol infantil Jose Wever den pueblo conoci como Buchi Panama. Mirando e trayectorio largo di LIFIDA ta varios hungado cu awe ta milita den e division mas halto di nos futbol a cuminsa milita den LIFIDA.

Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di futbol infantil LIFIDA.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.