ORANJESTAD, Aruba - 11 di september, 2015: Diaranson ultimo, e directiva di Aruba Sport Unie haci entrega di e certificado di participacion na e cursistanan cu a sigui e curso di CPR/Prome auxilio como tambe Mercadeo pa e miembronan di e federacionnan deportivo, coachnan, atletanan y demas boluntario. Mirando e demanda grandi di parti di esunnan cu ta traha den e mundo deportivo local y e exito di e prome curso algun luna atras, e directiva di ASU a tuma e iniciativa pa cuminsa cu un di dos curso cu a termina exitoso.

E curso di CPR mas cu claro tabata basa riba casonan di emergencia y ki tipo di accion mester tuma pa asina yuda esun den necesidad. E parti mercadeo tabata pa e federacionnan deportivo sa con y den ki forma nan por mercadia nan deporte. Un total di 10 cursista a participa na e curso di mercadeo. Esunnan cu a logra haya certificado tabata Cynthia Clark y Franklyn Richardson di Scherm Bond, Susan Weleman, Miranda Nedd, Iris Maduro, David Polanco y Felix Piña di atletismo, Ronald Serrant di Basketball, Carlos Bermudes di Bowling y Magdala Wever di OCA. Pa loke ta e curso di CPR(Prome Auxilio) un total di 15 cursista a logra haya nan certificado di participacion duna door di Sr. Enrique Gomez. Esaki nan ta Orchaira Gomes, Graciela Kock, Isabel Silva Pinol, Catherine Carraha, Georges Carraha, Alva Torres, Kevin Lugo, Ryan Ho-Asjoe, Franklyn Lesly, Cynthia Clark, Sergio Velazquez, Eun Jung Kim, Angela Lie-A- Lin, Andy Farro y Robert Silva.

Un danki sigur na Lotto, e Loteria di Aruba pa medio di Comision di Subsidio cu a subsidia e curso di prome auxilio y mercadeo organisa door di Aruba Sport Unie.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.