ORANJESTAD, Aruba - 30 november, 2015: Recientemente club di landamento sincronisa Baracuda Aruba a tene un competencia di e figura tecnico pa nan atletanan den e edad di 12 aña y menos, 13 pa 15 aña y 16-18 aña. Pa e atletanan di landamento sincronisa ta importante pa competi den e parti di figura tecnico ya cu aki lo midi e promedio di e atleta su prestacion den landamento sincronisa. Asina tambe e atletanan por wordo husga den forma corecto cu a lo largo lo duna su entrada den e seleccion nacional di landamento sincronisa.

Pues ora cu yega pa forma un seleccion fin di aña por midi si e atletanan a cumpli cu tur e rekisitonan door di su prestacion den e competencianan di figura tecnico. Cada un di e atletanan di cu e competi na e figura tecnico a haci su maximo esfuerso pa logra e puntuacion mas halto cu ta posibel mientras pa e huradonan esaki sigur tabata un tarea dificil pa e defini e resultado final.

E resultado nan ta como lo siguiente:
12 and under: 1. Sara Castaño 2. Angelina Hamoen 3. Quimey Carmona
13-15: 1. Kainah Croes 2. Anastasia van Daal 3. Janelly Piña
16-18: 1. Abigail de Veer 2. Nathania Riley 3. Isabella Noguera

Un danki sigur na Lotto, e Loteria di Aruba pa medio di Comision di Subsidio cu a yuda subsidia e competencia di figura tecnico den landamento sincronisa.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.