fbpx

KarateBond NOV2015 1ORANJESTAD, Aruba - 30 di november, 2015: Un deporte cu sigur a crece den 2015 pa loke ta e cantidad di atleta ta esun di karate. Un deporte cu ta den pleno desaroyo pero avansando rapidamente y cu nivel competitivo internacional. Ya pa algun aña e deporte di karate ta bin ta creciendo den forma rapido y cu varios scolnan nobo. Aruba Karate Bond ta trahando duro na bienestar di su atletanan y ta haci nan maximo esfuerso pa hiba nan atletanan algun competencia di fogeo den exterior.

 

Algun siman atras a biaha pa dos competencia internacional renombra cu tabata e “Copa Internacional Dojo Moncada” na Valencia, Venezuela y e Curaçao Karate Open 2015 na Corsou. Den ambos competencia bishita nos atletanan a sa na haci un tremendo papel y a laga sigur un bon impresion atras cerca e demas competidonan y paisnan participante. Poco poco pero sigur e karate na Aruba ta creciendo y esaki sigur ta danki na e federacion, e scolnan y tur cu ta traha duro dia aden dia afo pa mehora e nivel di nos atletanan. Diasabra awor 5 di december, Dia di Sinterklaas, e federacion di karate lo clausura su temporada 2015 cu un tremendo competencia pa tur su scolnan miembro. Mester bisa cu e scolnan di karate Dojo Budokan, Dojo Shibumi y Dojo Shoshinkai ya ta full cla pa e ultimo competencia di aña 2015. E competencia lo inicia pa 9or di mainta den Centro Deportivo Frans Figaroa na Noord.

 

Un danki sigur na Lotto, e Loteria di Aruba pa medio di Comision di Subsidio cu a subsidia e ultimo competencia di karate den e aña deportivo 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

KarateBond NOV2015 6KarateBond NOV2015 2KarateBond NOV2015 3KarateBond NOV2015 4KarateBond NOV2015 5

Our website is protected by DMC Firewall!