fbpx

HobenYTalentoso DEC2015ORANJESTAD, Aruba - 6 di december, 2015: Recientemente e comision encarga cu e proyecto Hoben y Talentoso a haci entrega di e “Award Book Hoben y Talentoso 2014” mas un obsekio di gradicimento na un di e patrocinadonan principal di e proyecto cu ta Lotto, e loteria di Aruba. Director di Lotto, e loteria di Aruba, Sr. Ronald van den Berg a ricibi e buki y e obsekio di gradicimento for di man di miembro di comision, sr. Maurits Malmberg.

 

Esaki ta e prome aña cu Lotto, e loteria di Aruba a forma parti di e proyecto cu ta reconoce e tremendo trabou desplega pa nos hobennan local den diferente area. E area di deporte ta esun mas grandi den e buki, alrededor di 15 hoben atleta d Aruba ta wordo reconoci pa nan prestacion y logro durante nan carera deportivo. Lotto, e loteria di Aruba a keda masha impresiona cu a proyecto desde su inicio y ta contento di por forma parti di un otro bunita proyecto pa e hubentud di Aruba.

 

Comision Hoben y Talentoso ta masha agradici na Lotto, e loteria di Aruba, specialmente na su director, sr. Ronald van den Berg cu a kere den e proyecto dedica specialmente na e hobennan den nos comunidad.

 

Esaki ta e di tres edicion di e proyecto pa nos hobennan di Aruba, un vision cu a inicia tres aña pasa bou iniciativa di Prome Minister di Aruba, Sr. Mike Eman.
Keda pendiente pa e evento Hoben y Talentoso 2015 cu lo wordo pasa na Tele Aruba canal 13 cual fecha y orario lo wordo anuncia despues. Un show spectacular brinda pa nos hobennan local combina cu e entrega di e “Award Book Hoben y Talentoso 2015” na tur e 28 rolemodelnan nomina e aña aki.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

Our website is protected by DMC Firewall!