Oranjestad, Aruba - 20 di januari, 2016: Diabierna ultimo, e organisacion cabillista Arubano, OCA a organisa nan prome competencia di jinete y amazona esaki como e preparacion pa loke ta e mundial di jiniete y amazona 2016 den luna di juli na Puerto Rico. Aki tambe a celebra e competencia relaciona cu Dia di Betico. Mester bisa cu e competencia tabata tin un bon acohida unda varios jinete y amazona a participa. E juez pa e competencia aki tawata e Sr. Miguel Poleo.

Den e categoria amazona principiante 9-11 a keda como e miho amazona Alina Kock, mientras como jinete principiante 9-11, e prome puesto a bay pa Mathijs Peet. Den e categoria amazona junior 12-14 a keda como e miho Melanie Wever. Esaki tabata e ultimo competencia den e categoria aki, ya cu Melanie a cumpli 15 anja. E demas resultadonan di e competencia ta como lo siguiente Primer: Aaliyah Acosta, Segundo: Elizabeth Johnson, Tercer: Genesis Pieters y Cuarto: Gabriella Piazzi.

Pa loke ta e categoria di amazonas hubenil 15-17 a competi shete amazona. E resultado a keda como lo siguiente, como miho a keda Zoey Arends, Primer: Nina van Romondt, Segundo: Noelanie Figaroa, Tercer: Natalia Mouawad, Cuarto: Sanjili Nicholson y Quinto: Selene Boekhoudt. Den e categoria di jinetes hubenil 15-17 nos ta haya como e miho Willem Werleman, Primer: Gianluca Curiel, Segundo: Dwayne Chirino, Tercer: Rodgerson Ras y Cuarto: Dillon Fingal.

Den categoria di amazonas aficionadas 21-24 na prome luga a keda Caitlin Ras y den categoria di jinetes aficionados 21-24 a keda como e miho Mark Bruin y prome luga a bay pa Harold Zuleta, cual por cierto mester remarca cu ta despues di 10 anja cu Harold a bolbe bin competi y a haci un tremendo presentacion. Un palabra di pabien di OCA na tur Jinete y Amazona cu a competi, na e majornan y publico cu a bin apoyanan. E siguiente competencia lo ta 18 di maart celebrando e Himno y Bandera 2016.

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.