fbpx

Mar2016 Schaken 1ORANJESTAD, Aruba – 1 di april, 2016: Recientemente a tuma luga na e isla di St. Croix, e di cinco edicion di e Carifta Chess Championship den e deporte di ahedrez. Nos dushi isla di Aruba tambe a wordo bon representa durante di e torneo aki. Un total di shete pais a participa na e torneo esakinan Bahamas, Barbados, Jamaica, Surinam, US Virgin Islands, Trinidad & Tobago y Aruba. Mester bisa cu e delegacion di Aruba a haci historia door di logra un di dos luga den e clasificacion general tras di e ganadonan Barbados y dilanti di Surnam.

 

E hungadonan cu a logra premio pa Aruba tabata Thamara Sagastgui cu prome luga den U-10 y medaya di Oro, Ethan Croeze cu di tres luga den U-12 y medaya di Brons, Brian Diaz cu un di tres luga den U-16 y medaya di Brons, Mark Bueno cu un di dos luga den U-18 y medaya di Plata y WCM Annelaine Jacobs cu un di prome luga den U-20 y medaya di Oro. Aruba a logra un total di 7 medaya y 4 trofeo individual. Un pabien grandi ta bay na e federacion di ahedrez, e atletanan, e staf di coachnan, e boluntarionan, e mayornan y tur otro persona cu ta contribui grandemente na e exito aki.

 

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

Mar2016 Schaken 2

Our website is protected by DMC Firewall!