fbpx

JUL2016 Softball FemeninoORANJESTAD, Aruba - 20 di juli 2016: Durante di vacacion escolar diferente seleccionnan di baseball y/of softbol di Little League ta sali pa exterior unda nan lo representa Aruba den un torneo internacional cu mas pais den nos region participando. Diadomingo ultimo, e seleccion femenino di Little League Softbol a sali pa e ciudad di Rincon, Puerto Rico unda nan lo participa den e torneo Latino Americano. Nos seleccion di softbol femenino lo bataya contra e miho paisnan pa e titulo maximo.

 

E seleccion ta consisti di e hungadonan Yasmine Arrindell, Johana Arnaud, Milagro Lopez, Shaleydis Solognier, Zjaika Kock, Shatienne Kock, Nikkaela Jacobs,Sanella Krosendijk, Rachella Sewdayal, Jeancarla Maduro, Jully Ann Kock, Anchell Statie, Angelina Pisas, Ilajay Tromp. Pa e deportenan colectivo e ta importante pa durante torneonan internacional, nan por midi nan mes cu e otro islanan den nos region.

 

Aki cada un lo sa con bon realmente nan ta den nan propio deporte, kico ta e ahustenan cu mester wordo haci pa mehoracion. Esaki ta pone cu cada bes nos seleccionnan lo bay mas miho ainda prepara pa cada competencia internacional.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biaha di nos softbolistanan femenino pa e Little League Softbol na Rincon, Puerto Rico.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Our website is protected by DMC Firewall!