fbpx

JUL2016 Tennis Copa MeregueORANJESTAD, Aruba: 25 di juli, 2016. E dianan 8 pa 16 di juli a tuma luga na Republica Dominicana e di 25 edicion di e Copa Merengue den e deporte di tennis. Mirando e participacion tur aña di nos tenistanan Arubano, e aña aki esaki no lo ta un excepcion. Aruba Lawn Tennis Bond a manda e biaha aki un seleccion di mucha homber den e edad di 16 aña.

 

E delegacion di Aruba a consisti den e hungadornan Patrick Sydow, Kevin Yarzagaray, Frederick Sydow y Alexson Hessels. Despues cu algun siman pasa nos tenistanan a hunga e torneo internacional TIHTA na Aruba unda nan a duna bon bataya na esunnan di exterior den un nivel di torneo halto, awor otro compromiso ta warda nan na Republica Dominicana unda lo a enfrenta e miho hungadonan den e region di Caribe. Tur e cuater tenistanan aki tin experiencia internacional mirando cu varios biaha nan a competi pa Aruba internacionalmente y logrando premio.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di tennis pa XXV Copa Merengue teni na Republica Dominicana.

 

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

DMC Firewall is developed by Dean Marshall Consultancy Ltd