fbpx

OCT2016 Tennis Kevin 2Oranjestad, Aruba - 8 di oktober, 2016: Recientemente e tenista Kevin Yarzagaray a biaha pa e pais di Merca, estado Florida unda e la sigui cu un campo di entrenamento. Probechando di e dianan di vacacion escolar, e federacion di ALTB a manda e hoben Yarzagaray pa asina e atende e campo aki cu tabata uno masha importante pa loke ta e wega di e hoben Yarzagaray.

 

Mester bisa cu e hoben Kevin Yarzagaray ta un tenista prospecto y a representa Aruba den varios torneonan internacional y a logra conkista algun titulo importante manera e Junior davis Cup. Tambe e la hunga e ITF junior tennis tournament renombra conoci como e Panama Bowl.

 

Camponan di entrenamento semper ta bon pa nos atletanan, e ta sirbi como un experiencia mas unda ta evalua e aspectonan tecnico y tactico di e hungadornan, tambe ta traha riba e condicion fisico cual ta masha importante den e mundo di tennis. Pa e hungado e ta mira si su nivel a sigui den e rumbo positivo y kiko tur e metser haci pa bira mas miho ainda mientras pa e federacion ta importante pa sigui e desaroyo y nivel di nan tenistanan.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e hoben tenista Kevin Yarzagaray pa e campo di entrenamento na Florida.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is developed by Dean Marshall Consultancy Ltd