fbpx

OCT2016 AmazonORANJESTAD, Aruba - 14 di oktober, 2016: E dianan 7,8 y 9 di oktober a tuma luga e competencia equestre internacional "Inter Curacao" na Parke Hipiko Zapateer na nos hermana isla Corsow. Aruba tambe a forma parti di e evento internacional aki unda nos a wordo representa door di diferente amazona y jinetenan den tur edad. Mester bisa cu e delegacion di Aruba a consisti di Genesis Pietersz, Zoey Arends, Nina van Romondt, Noelani Figaroa, Willem Werleman, Shayna Werleman y Dwayne Chirino.

 

Mayornan di nos atletanan lo competi diadomingo 9 di oktober. Anja pasa Aruba tabata super exitoso den e competencia na Corsow unda nos representantenan a logra bini cas bek cu varios premio den jinete y amazona como tambe den cabay. Ta bon pa menciona cu tur e jinete y amazona a hiba un preparacion debido pa e competencia aki, e animo ta halto mientras e expectativanan pa cu nos atletanan ta sigui crece.

 

Aruba semper a luci ora a competi internacionalmente den e deporte aki. Nos tin varios titulonan mundial den diferente categoria logra na competencianan renombra. Esaki ta haci cu e admiracion pa nos atletanan ta uno masha grandi y aprecia.

 

Un danki sigur na Lotto, e Loteria di Aruba pa medio di Comision di Subsidio cu a yuda subsidia e delegacion di OCA pa e competencia di Inter Curacao 2016.10.07

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is a Joomla Security extension!