Cu e edificio completamente renoba, Lotto di Aruba awor ta mas accesibel, mientras cu su trahadonan lo tin mas espacio pa por traha y presenta e diferente productonan y weganan di loteria miho na e hungadonan. Ta intencion di Lotto pa pronto habri un otro oficina mas, e biaha aki den e pueblo di San Nicolaas pa brinda bon calidad di servicio na e fiel hungadonan y rebendedo nan di Lotto den comunidad di San Nicolaas.

Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, ta corda un y tur pa sigui purba nan suerte cu cualkier di 7 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 

Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local. 

{gallery}joomgallery/originals/apertura_edificio_nobo_2012_12{/gallery}