Lotto, e loteria di Aruba, pa medio di su diferente productonan manera Lotto di Dia, Lotto 5, Mini Mega, Catochi, Big 4, Zodiac y awo tambe cu Wega di Number Kòrsou, ta recauda fondo y "Cambia Bida" di tanto su ganadonan y esunnan cu ta beneficia di e fondonan recauda pa nan deporte faborito. Apenas algun siman pasa Lotto, e loteria di Aruba a entrega un donacion di un miyon dollar na e comision di subsidio pa deporte. Asina periodicamente Lotto lo ta entregando donacionnan na e comision cu na su turno ta subsidia deporte na Aruba.

“Pa nos ta masha importante pa traha transparente cu nos comunidad, esunnan cu ta sostene e loteria di Aruba. Tur hende mester sa unda nan placa ta bay, ora nan cumpra cualkier un di nos loterianan. Ta obvio cu e fondonan ta bay na premio y un gran cantidad bek na deporte”, asina Patrick Fortin a duna di conoce cu un satisfaccion grandi.