News
ORANJESTAD, Aruba – 3 di december, 2015: Despues di e sorteo di Mini Mega di diamars anochi, Lotto, e loteria di Aruba a anuncia mesora cu e premio a keda aden y ta subi barbaramente pa diabierna awo. Celebrando Sinterklaas Lotto a dicidi di subi e jackpot di Mini Mega, cu ta actualmente na 250 mil, cu un suma di 150 mil florin EXTRA, subiendo asina e jackpot na 400.000 florin. Esey ta nifica cu diabierna awo Lotto ta regala bo un tremendo regalo pa celebra Sinterklaas! Naturalmente bo por opta pa agrega Mega Plus acerca, pa 2 florin so, y bo ta gana 100 mil florin mas, pues pa diabierna awo bo por gana e suma di mey miyon florin, si asina mes, 500.000 florin.
ORANJESTAD, Aruba – 1 di december, 2015: Tirzah M. a pasa busca e check di e segundo premio di Mini Mega di diabierna 27 di november, 2015. E la cumpra numbernan, 07-15-16-28 cu Mega Ball 10, na Suemar Lottery na Paradera.
ORANJESTAD, Aruba 27 di november, 2015: E ganadora di e jackpot di Lotto 5, di diaranson 25 di november, cu e tremendo suma di 480 mil florin, a bira conoci. Ta trata di señora Elaine O. kende a pasa busca su check na oficina di Lotto diahuebs mainta mes.
ORANJESTAD, Aruba – 19 di november, 2015: Dialuna 16 di november Zodiac a parti 12.500 florin na Ramon W. E tin hopi tempo ta cumpra numbernan 6992 cual el a gana cune, cumprando solamente 0.50 cent na e numbernan ey. Ramon a cumpra e ticket ganado na JR-1 Lottery.
ORANJESTAD, Aruba – 18 di november, 2015: E hungado Francis L. a caba di pasa busca su check di e bunita suma di 92.000 florin cu e la gana cu e wega Lotto Di Dia. E la cumpra su ticket ganado na Cadena Alexander Paradera riba 12 di november, 2015.
ORANJESTAD, Aruba - 17 di november, 2015: Awe, diamars 17 di november, Lotto, E Loteria di Aruba ta duna bo e oportunidad di bira e feliz ganado di e jackpot miyonario di Mega Plus cual y bira 1 miyon florin! Mini Mega su jackpot ta 700 mil florin y cu 2 florin mas bo por gana 300 mil florin extra cu e Mega Plus, o sea e tremendo suma total y miyonario di 1.000.000 florin.
ORANJESTAD, Aruba – 13 di november, 2015: E sorteo popular Mini Mega a yega e suma di 650 mil florin y cu dos florin mas bo por gana e “bonus”, cual ta e Mega Plus, cu tin e suma di 275 mil florin extra! Esaki ta haci cu awe nochi esun cu gana e Mini Mega y a cumpr’e combina cu su Mega Plus ta gana un premio gordo gordo di 925 mil florin.
ORANJESTAD, Aruba – 12 di november, 2015: E hungado Sra. Olga T. a hunga numbernan di un persona cu ta bay haci aña y a gana cu numbernan 6946 signo Scorpio, cu 0.50 cen inverti. E la cumpra e numbernan na Nena’s Lottery. Naturalmente el a keda hopi contento cu su premio di 12.500 florin. Ora el a pasa cobra su check na oficina principal di Lotto na Paardenbaaistraat 10.
ORANJESTAD, Aruba - 11 di November, 2015: Lotto, E Loteria di Aruba tin clientenan hopi fiel. Ora bo ta un fiel hungado suerte sigur ta bati na bo porta. Esey ta e caso di Tirzah M. El a hunga Zodiac cu e number vast cu e ta cumpra: 6946, riba dialuna 9 di November, 2015.
ORANJESTAD, Aruba – 6 di november, 2015: No obstante cu e interes a subi masha den e sorteo di diamars ultimo, toch ningun di e hungadonan di e sorteo di Mini Mega no a logra combina tur e numbernan corecto pa por a gana e tremendo Jackpot di Mega Plus. E numbernan cu a sali tawata 06-09-12-15 y Mega Ball tawata number 12.
ORANJESTAD, Aruba – 6 november, 2015: Bernardo a gana 11.400 florin cu e wega di Lotto, E Loteria di Aruba cu yama Big 4. E la cumpra su numbernan di suerte na Lucky Cher-Ann. Su numbernan di suerte tawata 7108 y e la opta pa hunga Pick 4 y Last 3.
