News
ORANJESTAD, Aruba – 25 di Juli 2014: Tata di Conroy H. a soña cu un amigo di dje cu a fayece, unda cu e amigo a bis'e e numbernan 5250. E meneer a dicidi di cumpra e numbernan aki na Girasol Lottery pa e wega di Zodiac recientemente. A resulta cu esey tabata su dia di suerte, unda cu e number 5250 a sali "den cabes" pa e sorteo di Zodiac.
ORANJESTAD, Aruba – 24 di Juli 2014: E Loteria di Aruba ta anuncia cu un di e premio grandi di 3000 florin di e wega Aces High di Raspa y Gana a wordo gana pa un fiel hungado. Recientemente suerte a bati na porta di Stefany C., kende regularmente ta cumpra ticketnan di Raspa y Gana. E dia aki el a scoge un ticket di Aces High na J's Lottery na Tanki Leendert y a bira masha contento ora cu el a wak e premio grandi aparece na momento cu el a raspa e ticket.
ORANJESTAD, Aruba – 23 di Juli, 2014: Lotto 5 ta alcansa un premio grandi di 675 mil florin. Ta na maart ultimo un ganado a bay cas cu un bunita premio di 530.000 florin cu el a cumpra na Lucky Numbers na Playa.
ORANJESTAD, Aruba – 18 di juli 2014: Lotto un biaha mas ta haci un famia feliz na Aruba hungando Zodiac. Cura Cabay Lottery un biaha mas ta bende e ticket ganado. Pa hopi tempo caba Nico M. ta hunga numbernan fiho, esta e fecha di nacemento di su yiunan. Suerte a compañe cu net den temporada di vakantie e ta bin gana e suma di 25 mil florin.
ORANJESTAD, Aruba 15 di Juli 2014: Kim L. a bira e feliz ganado di 50 mil florin cu e sorteo di Zodiac. Kim a gana cu e numbernan 2406 y e signo di Cancer.
ORANJESTAD, Aruba – 11 di juli 2014: E ganado di e Lotto miyonario di 1.150.000 florin no a cumpra su Mega Plus "add-on" y pues e suma bunita di 550 mil florin a keda aden. Mientras e Jackpot di Mini Mega a bolbe na su minimo di 250 mil florin, Lotto a anuncia cu como cu no tabatin ganado di e Mega Plus, e siguiente sorteo tabata tin un suma total di 800 mil florin cu Mega Plus.
ORANJESTAD, Aruba - 8 di juli: E loteria di aruba anuncia cu e ganado di e Mini Mega miyonario di siman pasa a laga su abogado Allan K. cobra e premio grandi p'e na oficina di Lotto pa su persona. E abogado ta conta cu su cliente semper ta hunga e numbernan 01-11-19-28 cu Mega Ball 03. Esaki ta un combinacion di numbernan di sernan keri y semper e tin su numbernan den mente.
ORANJESTAD, Aruba – 7 di juli 2014: E jackpot di Mini Mega ta sigui crece keto bay, pero ya tin diferente feliz ganado di e dos premio durante e ultimo simannan aki cu a cobra bunita sumanan cu nan numbernan di suerte. Meiyue L. semper ta cumpra cu weganan di Lotto na Lucky Cher-Ann pasobra e rebendedo aki ta habri su sucursal di Lotto tempran.
ORANJESTAD, Aruba - 7 di Juli 2014: Riba 24 di Juni, Hubert T. a resulta e ganado di 12.500 Florin cu e sorteo di Zodiac. El a cumpra e numbernan 6300 na e oficina di Lotto na Oranjestad. El a cumpra 0.50 na e numbernan aki y a gana e tremendo suma di 12.500 florin den un rato.
ORANJESTAD, Aruba - 7 di Juli 2014: E hungado Delia de F. a cumpra su ticket di Lotto di Dia na Margaritha's Lottery. E dia ey, 17 di Juni 2014, tabata su dia di suerte ya cu e numbernan cu el a cumpra 03-06-08-14-24 a resulta ganado.
Delia de F. a gana nada mas y nada menos cu 111.008 Florin. E numbernan aki ta e fecha natal di famia y Delia ta gusta hunga diferente combinacion di esaki.
ORANJESTAD, Aruba -4 di Juli 2014: Ora bo tin bo liña na awa bo soñonan por bira realidad di awe pa mañan. Esey ta e caso di Felix R. kende a cumpra su ticketnan di Mini Mega, 03-13-18-28 y el a resulta ganado di e di dos premio cual a paga e suma di 16.962 florin.
