News
ORANJESTAD, Aruba – 26 di april 2013: Hopi biaha nos ta pensa kico lo por ta e secreto pa gana Lotto, pero pa bira un ganado feliz di Lotto, e loteria di Aruba, bo mester djis percura pa bo liña ta na awa, ya cu nunca bo sa ki dia ta bo dia. Esey mes ta e caso cu Melanie H. cu a gana e balente suma di 100 mil florin na Cura Cabay Lottery, cu numbernan cu no ta ni vast.
ORANJESTAD, Aruba - 8 di April 2013: Un momento cu tur hende ta masha anosioso pa yega, ta e ora cu Lotto, e loteria di Aruba, ta saca su sorteonan en bibo na Telearuba canal 13. Esey mes tabata e caso di e hungado, Junelka F. cu despues di tabatin un soño cu e numbernan 8010, el a dicidi di cumpra e numbernan aki y tambe pa robez. Normalmente e ta cumpra 1 pida di cada wega, pero e biaha aki, algo a pone cambia su decision y el a cumpra 5 pida di e wega di Big 4, na Why Me Snack.